اقمولا وبلىسىندا ورتتەن ەكى بالا قايتىس بولدى، دەپ حابارلايدى "ادىرنا" ۇلتتىق پورتالى وبلىستىق تجد ءباسپاسوز قىزمەتىنە سىلتەپ.
"بۋراباي اۋدانىنا قاراستى شۇباراعاش اۋىلىندا جەكە تۇرعىن ۇيدەن ءورت شىقتى. ءورتتىڭ اۋماعى 3 شارشى مەتردى قۇرادى. تۇتىننەن ۋلانۋ سالدارىنان 2017 جانە 2021 جىلدارى تۋعان ەكى بالا قازا تاپتى. تجد-نىڭ شۇعىل نومىرلەرىنە قوڭىراۋ تۇسپەگەن. ءورتتى كۋاگەرلەر سوندىرگەن", – دەپ مالىمدەدى تجد.
ءورتتىڭ سەبەبىن انىقتاۋ ءۇشىن اقمولا وبلىسى تجد-نىڭ زەرتتەۋ سىناقتىق ءورت زەرتحاناسى جۇمىلدىرىلدى. بۋراباي اۋدانىنىڭ تج ءبولىمى قك-ءنىڭ 292-بابىنىڭ 3-بولىگى بويىنشا سوتقا دەيىنگى تەرگەۋ جۇمىستارىن باستادى.
قر قپك-ءنىڭ 201-بابىنا سايكەس، تەرگەۋ مۇددەسى ءۇشىن سوتقا دەيىنگى تەرگەۋدىڭ وزگە دەرەكتەرى جاريا ەتىلمەيدى، دەپ اتاپ ءوتتى تجد.
ۇقساس جاڭالىقتار
