1 جەلتوقساننان باستاپ قىسقى شينالارسىز جۇرگەن جۇرگىزۋشىلەرگە ايىپپۇل سالىنادى، دەپ حابارلايدى "ادىرنا" ۇلتتىق پورتالى ۇلىس مەدياعا سىلتەپ.
قازاقستاندا كۇنتىزبەلىك قىستىڭ باستالۋىمەن بارلىق كولىك يەلەرىنە كولىكتەرىنىڭ دوڭگەلەكتەرىن قىسقى شيناعا اۋىستىرۋ مىندەتتەلەدى. بۇل تالاپتى ورىنداماعاندارعا اكىمشىلىك جاۋاپكەرشىلىك قاراستىرىلعان.
الماتى قالالىق ءىىد اكىمشىلىك پوليتسيا باسقارماسىنىڭ باسشىسى اسحات قۇلباەۆتىڭ ايتۋىنشا، جەلتوقسان، قاڭتار، اقپان ايلارىندا قىسقى شينالارسىز كولىك جۇرگىزۋگە تىيىم سالىنادى.
ەگەر 1 جەلتوقساننان كەيىن كولىككە قىسقى شينالار قويىلماسا، 5 ايلىق ەسەپتىك كورسەتكىش (18,4 مىڭ تەڭگە) كولەمىندە ايىپپۇل سالىنادى.
ەگەر بۇل ەرەجە قايتا بۇزىلسا، ايىپپۇل مولشەرى 20 اەك-كە (73,8 مىڭ تەڭگە) دەيىن وسەدى.
قر اكىمشىلىك قۇقىق بۇزۋشىلىق تۋرالى كودەكسىنىڭ 590-بابىنىڭ 5-تارماعىنا سايكەس، تەحنيكالىق رەگلامەنتتەر مەن ۇلتتىق ستاندارتتارعا سايكەس كەلمەيتىن كولىك قۇرالىن باسقارۋ ايىپپۇل سالۋعا نەگىز بولادى.
