ەرمەك كوشەرباەۆ پرەمەر-ءمينيستردىڭ ورىنباسارى بولىپ تاعايىندالدى. ءتيىستى جارلىققا مەملەكەت باسشىسى قول قويدى، دەپ حابارلايدى “ادىرنا” ۇلتتىق پورتالى.
ول بۇعان دەيىن شىعىس قازاقستان وبلىسىنىڭ اكىمى قىزمەتىن اتقارعان.
“مەملەكەت باسشىسىنىڭ جارلىعىمەن ەرمەك بەدەلبايۇلى كوشەرباەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى”، دەپ حابارلايدى اقوردانىڭ ءباسپاسوز قىزمەتى.
ەرمەك بەدەلبايۇلى كوشەرباەۆ 1965 جىلعى 2 مامىردا الماتىدا دۇنيەگە كەلگەن.
س. كيروۆ اتىنداعى قازاق مەملەكەتتىك ۋنيۆەرسيتەتىن جانە كسرو سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. 1997-1999 جىلدارى ول پرەمەر-ءمينيستردىڭ كومەكشىسى قىزمەتىن اتقارعان. وسى جىلدارى سىرتقى ىستەر مينيسترلىگى مەن اۋىل شارۋاشىلىعى مينيسترلىگىندە قىزمەت ەتتى. 2023 جىلدىڭ ماۋسىمىنان باستاپ شىعىس قازاقستان وبلىسىنىڭ اكىمى قىزمەتىن اتقارعان.
وسىعان دەيىن تامارا دۇيسەنوۆانىڭ پرەزيدەنت كومەكشىسى قىزمەتىنە تاعايىندالعانىن حابارلادىق.
