فوتو: 1news.az
ازەربايجاننىڭ مەملەكەتتىك تەڭىز جانە پورت كولىگى اگەنتتىگى كاسپي تەڭىزىندەگى قولايسىز اۋا رايىنا بايلانىستى كەمەلەرگە ەسكەرتۋ جاسادى. مامانداردىڭ بولجامىنشا، تەڭىز اكۆاتورياسىندا جەل كۇشەيىپ، تولقىن بيىكتىگى بىرنەشە مەترگە دەيىن كوتەرىلۋى مۇمكىن، دەپ حابارلايدى "ادىرنا".
Report اگەنتتىگىنىڭ حابارلاۋىنشا، 8 قاراشادا كاسپي تەڭىزىندە بايقالعان سولتۇستىك-باتىس جانە سولتۇستىك باعىتتاعى جەل 9 قاراشاعا دەيىن جالعاسادى.
بولجام بويىنشا، جەلدىڭ جىلدامدىعى سەكۋندىنا 18–23 مەترگە، كەي جەرلەردە 25–30 مەترگە دەيىن جەتەدى. ال اشىق تەڭىزدە جەل ەكپىنى سەكۋندىنا 32 مەترگە دەيىن كۇشەيۋى ىقتيمال.
سونىمەن قاتار تولقىن بيىكتىگى 2,5–3,5 مەترگە دەيىن كوتەرىلىپ، اۋا رايى ودان ءارى قولايسىزدانعان جاعدايدا 4–6 مەترگە جەتۋى مۇمكىن.
وسىعان بايلانىستى كەمە قوزعالىسىن باسقارۋ ورتالىعى تەڭىزدەگى كەمەلەرگە ەسكەرتۋ جاريالادى.
