ەۋرازيا ءبىرىنشى ارناسىنىڭ سيۋجەتىنەن الماتىداعى № 4 اۋرۋحانانىڭ باس دارىگەرى قانات تەزەكباەۆ قولحاتپەن بوستاندىققا شىقتى، - دەپ حابارلايدى Tengrinews.kz ءتىلشىسى.
بۇل تۋرالى ونىڭ ادۆوكاتى قايرات بايبازاروۆ مالىمدەدى. 2019 جىلى 22 قىركۇيەكتە الماتى مامانداندىرىلعان اۋدانارالىق تەرگەۋ سوتى قانات تەزەكباەۆتى ەكى ايعا قاماۋعا الۋدى سانكتسيالاعان. 25 قىركۇيەكتە ادۆوكات سوت شەشىمىنە شاعىمدانىپ، قاۋلى كۇشىن جويعان.
"قانات تەزەكباەۆ اپپەلياتسيانى قاراۋعا قاتىسقان جوق. ونى جاقىن ارادا تەرگەۋ يزولياتورىنان شىعارادى", - دەدى بايبازاروۆ. مۇنىڭ الدىندا № 4 قالالىق اۋرۋحانانىڭ باس دارىگەرى قانات تەزەكباەۆتىڭ تۇتقىندالعانى ءمالىم بولعان ەدى. دارىگەر الماتى پوليتسيا دەپارتامەنتى باسشىسى سەرىك كۇدەباەۆتىڭ ۇلى قايتىس بولعان سوڭ تەرگەۋگە الىنعان. سونداي-اق بۇل ءىس بويىنشا اۋرۋحانا انەستەزيولوگى اسقار تۇڭعىشباەۆ تۇتقىندالعان.
قازاقستاندىق دارىگەرلەر كاسىبي مىندەتىن دۇرىس اتقارمادى دەپ ايىپتالعان قانات تەزەكباەۆقا قولداۋ كورسەتىپ جاتىر. دارىگەردىڭ جارى كەيىن پرەزيدەنتكە اشىق حات جولداعان. دينا تەزەكباەۆانىڭ مالىمەتى بويىنشا، 2019 جىلى شىلدەدە نۇرسۇلتان كودەباەۆ جول اپاتىنا ءتۇسىپ، №7 اۋرۋحاناعا جەتكىزىلگەن. ارتىنشا ونى №4 اۋرۋحاناعا اۋىستىرىپ، وتا جاساعان. كەيىن نۇرسۇلتان كۇدەباەۆ گەرمانياداعى اۋرۋحاناعا جەتكىزىلىپ، سول جاقتا قايتىس بولعان. پرەزيدەنت قاسىم-جومارت توقاەۆ وسى ىسكە بايلانىستى نيۋ-يوركتەن تاپسىرما بەردى.
