استانا اكىمى جەڭىس قاسىمبەك ەسىل اۋدانى تۇرعىندارىمەن ەسەپتىك كەزدەسۋىندە كەنەسارى حاننىڭ ەسكەرتكىشىن مامىر ايىنىڭ سوڭىنا دەيىن ءوز ورنىنا قايتارىلاتىنىن مالىمدەدى، دەپ حابارلايدى "ادىرنا" ۇلتتىق پورتالى.
2024 جىلدىڭ قاراشا ايىندا ەسكەرتكىشتىڭ ىرگەتاسى قيسايىپ، قۇلاعالى تۋىنداعاندىقتان، ونى اپاتتى دەپ تانىپ، بۇزۋ جۇمىستارى جۇرگىزىلدى.
"بيىل باسكەتبول الاڭدارى ورنالاسقان كوپىردەن باستاپ، ترياتلون ورتالىعى ارقىلى اقبۇلاققا دەيىنگى جاعالاۋدىڭ جوندەۋ جۇمىستارىن اياقتايمىز. كەلەسى جىلى جوندەۋ جۇمىستارى كەنەسارى حان ەسكەرتكىشى ورنالاسقان جاعالاۋ بولىگىنە جاسالادى. ال ەسكەرتكىشتى قالا كۇنىنە دەيىن، مامىر ايىنىڭ سوڭىنا دەيىن ورنىنا قايتارۋدى جوسپارلاپ وتىرمىز", – دەدى اكىم.
