سولتۇستىك قازاقستان وبلىسىندا رەسەي ازاماتتارىنىڭ بانكتىك ەسەپشوتتارى بۇعاتتالدى، دەپ حابارلايدى "ادىرنا" ۇلتتىق پورتالى كازتاگ-قا سىلتەمە جاساپ.
قارجى شوتتارىنا شەكتەۋ قويۋ قىلمىستىق ءىس اياسىندا جۇزەگە اسىرىلعان. پەتروپاۆل قالاسىنىڭ پوليتسيا دەپارتامەنتى بۇل شارانى 7 ناۋرىزدا قابىلداعان. الايدا، شوتتاردىڭ قاشان اشىلاتىنى بەلگىسىز.
جەرگىلىكتى چاتتاردا بۇعاتتالعان شوتتار سانى 2 مىڭعا جۋىق ەكەنى ايتىلعان. بۇعاتتاۋ رەسەيدەن موبيليزاتسيادان كەيىن كوشىپ كەلگەن ازاماتتارعا عانا ەمەس، كەيبىر قازاقستاندىقتارعا دا اسەر ەتكەن.
قۇزىرلى ورگاندار بۇل ءىستىڭ دروپپەرلىك ارەكەتتەر مەن كريپتوۆاليۋتا ارقىلى زاڭسىز وپەراتسيالارعا بايلانىستى بولۋى مۇمكىن ەكەنىن جوققا شىعارمايدى.
سقو پروكۋراتۋراسى قىلمىستىق ءىستىڭ بار ەكەنىن راستادى.
"قازىر تەرگەۋ اياسىندا بانكتەگى ەسەپشوتتارعا قاتىستى شەكتەۋ شارالارى قابىلداندى. بۇل شەكتەۋلەر تەكسەرىس ناتيجەلەرىنە بايلانىستى الىنادى،" – دەپ مالىمدەدى ۆەدومستۆو وكىلدەرى.
شوتتارى بۇعاتتالعان ازاماتتارعا قۇقىق قورعاۋ ورگاندارىنا جۇگىنىپ، وزدەرىنىڭ قارجىلىق بەلسەندىلىگىن تەكسەرۋگە كەڭەس بەرىلەدى.
