بايدەن ۆارشاۆادا تاريحي مالىمدەمەمەن ءسوز سويلەدى دەسەك تە بولادى. ايتقاندارىنان قىسقاشا كەلتىرسەك:
- پۋتين قيراپ، سۇيەگى قۋراپ قالعان يمپەريانى تىرىلتكىسى كەلەدى. ول ويى ەشقاشان ىسكە اسپايدى.
- ۋكراينا سوعىسىپ جاتىر. ولار تەك وزدەرى ءۇشىن ەمەس، كۇللى دەموكراتيالىق ەلدەر ءۇشىن سوعىسۋدا. سوندىقتان كومەكتى كوبەيتەمىز.
- قازىر ءبىر دوللار 200 رۋبل تۇرادى. شىنايى قۇنى سول. پۋتين ءرۋبلدى كۇلگە اينالدىردى.
- پۋتين رەسەيدى 19 عاسىرعا اتتاندىردى.
- پۋتين تاقتا قالماۋى ءتيىس. ول ديكتاتور.
- ەۋروپا ەلدەرى رەسەيگە ەنەرگەتيكا جاعىنان تاۋەلدى بولماۋى ءتيىس. ءبىز كومەكتەسۋگە دايىنبىز.
- رەسەي بۇل سوعىستا جەڭىسكە جەتە المايدى. قازىردىڭ وزىندە بۇل سوعىستا ول قاتەلىك جىبەرگەنىن ءبىلىپ وتىر، ىشتەي سەزىپ وتىر.
- سوعىستى قارجىلاندىرۋشى رەسەي وليگارحتارى. سوندىقتان ءبىز ولاردىڭ بار بايلىعىن تارتىپ الۋدامىز.
"ادىرنا" ۇلتتىق پورتالى
