12 قازاندا "QAZAQSTAN" ورتالىق كونتسەرت زالىندا رەسەيلىك سوليستەر مەن قازاق مەملەكەتتىك سيمفونيالىق وركەسترىنىڭ قاتىسۋىمەن "قازاقستانداعى رەسەيدىڭ مادەنيەت كۇندەرى" اياسىندا كونتسەرت وتەدى، دەپ حابارلايدى “ادىرنا” ۇلتتىق پورتالى Sputnik قازاقستان سايتىنا سىلتەمە جاساپ.
قوناقتار ورىس كومپوزيتورلارىنىڭ شىعارمالارىن، ورىس اريالارىن، رومانستارى مەن زاماناۋي كومپوزيتورلاردىڭ شىعارمالارىن تىڭداي الادى.
سونىمەن قاتار قازاقستاندىق وپەرا انشىلەرىمەن دە دۋەت بولادى.
كونتسەرتتە بەلگىلى انشىلەر ونەر كورسەتەدى:
زاۋربەك گۋگكاەۆ, رەسەيلىك ديريجەر، سولتۇستىك وسەتيا رەسپۋبليكاسىنىڭ ەڭبەك سىڭىرگەن قايراتكەرى. ول ءتۇرلى پەتەربۋرگتىك وركەسترمەن جۇمىس ىستەدى. ونىڭ ىشىندە – سانكت-پەتەربۋرگتىڭ مەملەكەتتىك سيمفونيالىق وركەسترى، كاپەللا مەن بالالار فيلارمونيا وركەسترى بار. سونىمەن قاتار بەلارۋس رەسپۋبليكاسى مەملەكەتتىك اكادەميالىق سيمفونيالىق وركەسترىمەن ونەر كورسەتتى.
اننا اگلاتوۆا، رەسەي مەملەكەتتىك اكادەميالىق ۇلكەن تەاتردىڭ ءسوليسى. 2003 جىلى اننا اگلاتوۆا حالىقارالىق ۆوكاليستەردىڭ "Bella voce" بايقاۋىنا قاتىسىپ، جەڭىمپاز اتانعان. 2005 جىلى گەرمانيادا وتكەن "نوۆىە يمەنا" بايقاۋىنا قاتىستى. ول جەردە ءۇشىنشى پرەميانى جەڭىپ الدى. 2007 جىلى "زولوتايا ماسكا" فەستيۆالىنىڭ ارنايى سىيلىعىن جەڭىپ الدى.
ۆلاديسلاۆ كۋپريانوۆ،مارين تەاترىنىڭ ءسوليسى، پ.چايكوۆسكي اتىنداعى XVI حالىقارالىق فەستيۆالدىڭ ارنايى سىيلىعىنىڭ يەگەرى. ۆەنگرياداعى Crescendo جازعى اكادەميادا امەريكاندىق باس ستيۆەن مورشەكادان ءتالىم العان. گەرمانيا، ۆەنگريا قالالارىنا گاسترولمەن بارعان. راينسبەرگتەگى مۋزىكالىق فەستيۆالگە قاتىسقان (گەرمانيا);
ۆلاديمير ماگومەدوۆ، ۇلكەن تەاتردىڭ شاقىرىلعان ءسوليسى. بوريس پاركوۆسكيدىڭ ورفەي پارتياسىن ورىنداعانى ءۇشىن سسسر حالىق ءارتىسى اتاعىن يەلەنگەن. 2013 جىلى "بولشايا وپەرا" تەلەۆيزيالىق ۆوكال بايقاۋىنىڭ جەڭىمپازى.
كونستانتين ەمەليانوۆ, پ.ي.چايكوۆسكي اتىنداعى حالىقارالىق بايقاۋدىڭ لاۋرەتى. 2019 جىلدان بەرى Yamaha-نىڭ رەسمي ءپيانيسى.
اناستاسيا تيۋرينا، 2017 جانە 2018 جىلدارى "موسكۆا ۆسترەچاەت درۋزەي" حالىقارالىق فەستيۆالىنىڭ اشىلۋىندا "ۆيرتۋوزى موسكۆى" مەملەكەتتىك كامەرالىق وركەستردە، ۆەروناداعى ح ەۋرازيالىق ەكونوميكالىق فورۋمدا ونەر كورسەتكەن.
الەكساندر رامم،پ.ي.چايكوۆسكي اتىنداعى حالىقارالىق بايقاۋدىڭ كۇمىس مەدال يەگەرى.
سونىمەن قاتار ۆولوگود مەملەكەتتىك تاريحي-ارحيتەكتۋرالىق جانە كوركەمسۋرەت مۋزەي-قورىعىنىڭ "ۆولوگودسكوە كرۋجەۆو" كورمەسى وتەدى. كورمەگە سۋرەتشىلەر ن.ۆ. ۆەسەلوۆا، م. يۋ. پالنيكوۆا، ا.ن. راكچەەۆانىڭ تۋىندىلارى قويىلعان.
”ادىرنا” ۇلتتىق پورتالى
