الماتى ماڭىندا 2021 جىلى اپاتقا ۇشىراعان ۇلتتىق قاۋىپسىزدىك كوميتەتىنىڭ (ۇقك) ان-26 ۇشاعى مەتالل سىنىعى رەتىندە ساتىلدى، دەپ حابارلايدى "ادىرنا" ۇلتتىق پورتالى.
e-qazyna.kz ۆەب-پورتالىندا جاريالانعان مالىمەتتەرگە سايكەس، ۇشاقتىڭ قيراندىلارىن ساتىپ الۋعا قاتىسۋ ءۇشىن 810 897 تەڭگە كەپىلدىك جارنا تولەۋ قاجەت بولعان. باستاپقى باعاسى 1 351 494,75 تەڭگە دەپ بەلگىلەنگەن اۋە كەمەسى ساۋدا-ساتتىق بارىسىندا 1 416 200 تەڭگەگە ساتىلعان.
"لوت ءتورتىنشى رەت جاريالانعان كەزدە عانا ساتىلدى. ۇقك ۇسىنىسى بويىنشا مەتالل سىنىقتارى ونەركاسىپ جانە قۇرىلىس ءمينيسترىنىڭ بۇيرىعىمەن باعالانىپ، ساتىلاتىن نىساندار تىزىمىنە ەنگىزىلدى", – دەپ مالىمدەدى ۇشاق سىنىقتارىن ساتىلىمعا شىعارعان "قازارناۋلىەكسپورت" كاسىپورنى.
ەسكە سالا كەتەيىك، 2021 جىلدىڭ 13 ناۋرىزىندا استانا الماتىعا باعىت العان ان-26 اسكەري ۇشاعى قونۋ كەزىندە اپاتقا ۇشىراعان بولاتىن. بۇل وقيعادا ءتورت ەكيپاج مۇشەسى قازا تاۋىپ، ەكى ادام اۋىر جاراقات العان.
