ءجۇرىپ جۇرگەن قىزىن سوققىعا جىققان اكتەر ءشارىپ سەرىك 5 تاۋلىككە قامالدى. بۇل تۋرالى ونىڭ بۇرىنعى سۇيىكتىسى ءاليا بۋتەەۆا جاريالادى، دەپ حابارلايدى “ادىرنا” ۇلتتىق پورتالى.
«بۇگىن شارىپكە قاتىستى سوت پروتسەسى ءوتتى. ول ءوز كىناسىن مويىندادى. سوت اكىمشىلىك قۇقىق بۇزۋشىلىق تۋرالى كودەكستىڭ 73-بابى 1-تارماعى بويىنشا ونى كىنالى دەپ تاۋىپ، 5 تاۋلىككە قاماۋعا الدى»، — دەپ جازدى ول Instagram-پاراقشاسىندا.
ايتا كەتەيىك، اكتەردىڭ ليفتىگە كىرىپ بارا جاتقان ءاليانى قولىنان جۇلقىلاپ، تارتىپ الىپ كەتىپ بارا جاتقانى كورسەتىلگەن ۆيدەونى بويجەتكەننىڭ ءوزى جاريالاعان بولاتىن. وسىدان كەيىن تانىمال تۇلعالار، الەۋمەتتىك جەلى وقىرماندارى بوتەەۆاعا ۇلكەن قولداۋ ءبىلدىردى.
بۇل جاعدايدان كەيىن Salem Entertainment اكتەر تۇسكەن سەريالداردى توقتاتتى. «پاترۋل» سەريالىنداعى ءشارىپ ويناعان ساحنالاردى دا الىپ تاستاماقشى. كەيبىر كومپانيالار شارىپپەن جارنامالىق كەلىسىم-شارتتى ۇزگەنىن دە حابارلادى.
ۇقساس جاڭالىقتار
