پاۆلودار وبلىسىنىڭ تۇرعىنى بالاعا زورلىق كورسەتكەنى ءۇشىن 20 جىلعا سوتتالدى. ءىستى ءوڭىردىڭ مامانداندىرىلعان اۋدانارالىق قىلمىستىق سوتى قارادى، دەپ حابارلايدى "ادىرنا".
سوتتىڭ ءباسپاسوز قىزمەتى حابارلاعانداي، پروتسەسس جابىق رەجيمدە ءوتتى.
«ەر ادام بالانىڭ دارمەنسىز جاعدايىن پايدالانىپ، كامەلەتكە تولماعاندارعا جاسالعان زورلىق ءۇشىن كىنالى دەپ تانىلدى. كىنا جابىرلەنۋشىنىڭ ايعاقتارىمەن، كۋاگەرلەرمەن، ساراپتامالاردىڭ قورىتىندىلارىمەن جانە سوتتا زەرتتەلگەن باسقا دا دالەلدەرمەن دالەلدەندى. قىلمىس اسا اۋىر ساناتقا جاتادى جانە 20 جىلعا باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ تۇرىندەگى جازانى قاراستىرادى»، — دەپ ءتۇسىندىردى سوتتا.
سوتتالۋشىعا بۇدان ءارى پەداگوگيكالىق لاۋازىمداردى اتقارۋعا جانە كامەلەتكە تولماعاندارمەن جۇمىس ىستەۋگە تىيىم سالىنادى. سوتتالعان ادام ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە مەرزىمىن وتەيتىن بولادى.
