بالاسىن ىزدەگەن ادام كولىگىمەن ءسابيدى قاعىپ كەتتى

استانا ىرگەسىندەگى قوسشى قالاسىندا ەكى جاستاعى بالا كولىك استىندا قالىپ، وقيعا ورنىندا كوز جۇمدى، دەپ حابارلايدى “ادىرنا” ۇلتتىق پورتالى. قايعىلى جاعداي تۇرعىن ءۇي اۋلالارىنىڭ بىرىندە بولعان. پوليتسيا مالىمەتىنشە، "Kia Sportage" ماركالى كولىگىن باسقارعان جۇرگىزۋشى 2023 جىلى تۋعان بالانى بايقاماي باسىپ كەتكەن. جەلىدە تاراعان ۆيدەودان ءسابيدىڭ سول ساتتە كولىك جۇرەتىن جول بويىندا جالعىز جۇرگەنىن كورۋگە بولادى. كۋاگەرلەردىڭ ايتۋىنشا، كولىكتى تىزگىندەگەن ازامات وسى اۋماقتا تۇرادى جانە شامامەن ساعات 15:30 شاماسىندا كامەلەتكە تولماعان ۇلىن ىزدەپ، ۇيىنەن شىققان. وقيعا ورنىنا شۇعىل جەتكەن مەديتسينالىق قىزمەتكەرلەر بالانىڭ قايتىس بولعانىن راستادى. قازىرگى ۋاقىتتا اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى باستالدى.