بۇگىن الماتى قالاسىنداعى «عىلىم ورداسى» عيماراتىندا قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسى قازاقستانداعى عىلىم قىزمەتكەرلەرىنىڭ كاسىبي مەرەكەسىنە ارنالعان ءىرى سالتاناتتى ءىس-شارا وتكىزدى.
ءىس-شارا وتاندىق عىلىم سالاسىنداعى جەتىستىكتەردى دارىپتەۋ، عىلىمي قىزمەتكەرلەردىڭ ەڭبەگىن مويىنداۋ، سونداي-اق جاس عالىمداردى ىنتالاندىرۋ جانە ولاردىڭ يننوۆاتسيالىق باستامالارىن قولداۋ ماقساتىندا ۇيىمداستىرىلدى.
باعدارلاما اياسىندا:
- عىلىمي-يننوۆاتسيالىق ازىرلەمەلەردىڭ كورمەسى;
- قر عىلىم جانە جوعارى ءبىلىم ءمينيسترى ساياسات نۇربەكتىڭ، قر ۇعا پرەزيدەنتى اقىلبەك كۇرىشباەۆتىڭ جانە ەلىمىزدىڭ جەتەكشى عالىمدارى، اكادەميكتەردىڭ مازمۇندى باياندامالارى;
- ۆەدومستۆولىق ناگرادالارمەن ماراپاتتاۋ;
- ەلىمىزدىڭ جەتەكشى عالىمدارىن اكادەميك قانىش ساتباەۆتىڭ 125 جىلدىعىنا ارنالعان ارنايى توسبەلگىلەرمەن ماراپاتتاۋ سالتاناتى ءوتتى.
ماڭىزدى تاريحي ءسات – «ساتباەۆ ساكۋرالارىن» وتىرعىزۋ:
عىلىم ورداسىنىڭ اۋلاسىندا ەرەكشە سيمۆولدىق مانگە يە «ساتباەۆ ساكۋرالارىن» جاڭعىرتۋ ءراسىمى ۇيىمداستىرىلدى. بۇل باستاما – قورشاعان ورتانى قورعاۋعا ۇلەس قوسۋ عانا ەمەس، سونىمەن قاتار ەلىمىزدىڭ عىلىم تاريحىنا قۇرمەت پەن تاعزىم بەلگىسى. ساكۋرا اعاشتارىن العاش وسى جەردە اكادەميك قانىش ساتباەۆتىڭ قۇرمەتىنە وتكەن عاسىردىڭ 60-شى جىلدارى جاپون دەلەگاتسياسى وتىرعىزعانى بەلگىلى.
سالتاناتتى وتىرعىزۋ راسىمىنە اكادەميكتەر، دەپۋتاتتار، جاپوندىق دەلەگاتسياسى مۇشەلەرى، عىلىمي قوعامداستىق بەلسەندىلەرى قاتىستى.
