كوكشەتاۋ قالاسىنداعى جىلۋ جۇيەلەرىن جوندەۋگە ۇكىمەت رەزەرۆىنەن 1,1 ملرد تەڭگە ءبولىندى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى «ادىرنا» ءتىلشىسى.
قۇجاتقا سايكەس، 2025-2026 جىلدارعا ارنالعان جىلۋ بەرۋ ماۋسىمىنا دايىندىق جانە كەزەڭنىڭ ىركىلىسسىز ءوتۋىن قامتاماسىز ەتۋ ماقساتىندا كوكشەتاۋ قالاسىنىڭ جىلۋ كوزىندە (اق-2) جوندەۋ جۇمىستارىن جۇرگىزۋ ءۇشىن اقمولا وبلىسىنىڭ بيۋدجەتىنە قاراجات اۋدارىلادى.
«قاراجات «كوكشەتاۋ جىلۋ» كاسىپورنىنىڭ اۆتوماتتاندىرىلعان جۇيەلەرىن جوندەۋگە جانە باقىلاۋ مەن ولشەۋ اسپاپتارىنىڭ دالالىق دەڭگەيىن، سونداي-اق اۋا جىلىتقىشتاردىڭ تەكشەلەرىن رەكونسترۋكتسيالاۋعا، تاعى تەحنولوگيالىق رەسۋرسى تاۋسىلعان جابدىقتاردى جاڭارتۋعا باعىتتالادى»،—دەلىنگەن حابارلامادا.
ايتا كەتەيىك، كوكشەتاۋ قالاسىنداعى نىسانداردى جىلۋمەن جابدىقتاۋ رك-1 (مازۋت) جانە رك-2 (كومىر) قازاندىقتارى ارقىلى جۇزەگە اسىرىلادى. الايدا نەگىزگى جىلۋ كوزى – پىلەۋگولدى رك-2 قازاندىعى. جىلۋ جەلىلەرىنىڭ جالپى ۇزىندىعى – 188,7 كم، ونىڭ ىشىندە ماگيسترالدىق جەلىلەر – 51 كم، ىشكى كۆارتالدىق جەلىلەر – 137,7 كم. جەلىلەردىڭ باسىم بولىگى 1977 جىلدان بەرى پايدالانىلىپ كەلەدى.
