Kökşetau qalasyndaǧy jylu jüielerın jöndeuge Ükımet rezervınen 1,1 mlrd teŋge bölındı. Tiıstı qaulyǧa Premer-ministr Oljas Bektenov qol qoidy, dep habarlaidy «Adyrna» tılşısı.
Qūjatqa säikes, 2025-2026 jyldarǧa arnalǧan jylu beru mausymyna daiyndyq jäne kezeŋnıŋ ırkılıssız ötuın qamtamasyz etu maqsatynda Kökşetau qalasynyŋ jylu közınde (AQ-2) jöndeu jūmystaryn jürgızu üşın Aqmola oblysynyŋ biudjetıne qarajat audarylady.
«Qarajat «Kökşetau jylu» käsıpornynyŋ avtomattandyrylǧan jüielerın jöndeuge jäne baqylau men ölşeu aspaptarynyŋ dalalyq deŋgeiın, sondai-aq aua jylytqyştardyŋ tekşelerın rekonstruksiialauǧa, taǧy tehnologiialyq resursy tausylǧan jabdyqtardy jaŋartuǧa baǧyttalady»,—delıngen habarlamada.
Aita keteiık, Kökşetau qalasyndaǧy nysandardy jylumen jabdyqtau RK-1 (mazut) jäne RK-2 (kömır) qazandyqtary arqyly jüzege asyrylady. Alaida negızgı jylu közı – pyleugoldı RK-2 qazandyǧy. Jylu jelılerınıŋ jalpy ūzyndyǧy – 188,7 km, onyŋ ışınde magistraldyq jelıler – 51 km, ışkı kvartaldyq jelıler – 137,7 km. Jelılerdıŋ basym bölıgı 1977 jyldan berı paidalanylyp keledı.
