جەرگە كەڭەستىك «كوسموس-482» عارىش اپپاراتىنىڭ قوندىرۋ ءمودۋلى قۇلاۋى مۇمكىن. بۇل تۋرالى حالىقارالىق اەروعارىش ساراپشىلارى ەسكەرتۋدە، دەپ حابارلايدى “ادىرنا” ۇلتتىق پورتالى ۆۆس-گە سىلتەپ.
اپپاراتتىڭ سالماعى شامامەن 500 كەلى، ول 1972 جىلى ۆەنەراعا ۇشىرىلعانىمەن، اپاتقا ۇشىراپ، جەر وربيتاسىندا قالىپ قويعان.
قوندىرۋ ءمودۋلى مامىر ايىنىڭ ءبىرىنشى جارتىسىندا جەر اتموسفەراسىنا ەنۋى مۇمكىن. قۇلاۋ ۋاقىتى ناقتى بەلگىسىز. بىراق كەيبىر ساراپشىلاردىڭ ايتۋىنشا، اپپاراتتىڭ ەلدى مەكەندەرگە قۇلاۋ قاۋپى بار.
«كوسموس-482» اپپاراتى 1972 جىلى 31 ناۋرىزدا بايقوڭىر عارىش ايلاعىنان ۇشىرىلعان. ول «ۆەنەرا-8» ميسسياسىنىڭ دۋبلەرى رەتىندە جىبەرىلگەن. بۇل تاجىريبە سول كەزدەگى عارىشتىق زەرتتەۋلەردىڭ ءساتتى بولۋىن قامتاماسىز ەتۋ ءۇشىن قولدانىلاتىن ادىستەردىڭ ءبىرى.
ۇقساس جاڭالىقتار
