يزرايل اسكەري كۇشتەرى سيريا اۋماعىنا قايتا سوققى جاسادى، دەپ حابارلايدى “ادىرنا” ۇلتتىق پورتالى.
سوققى داماسك قالاسىنىڭ سولتۇستىگىندەگى اۋداندار مەن حاما ماڭىنداعى ەلدى مەكەندەرگە باعىتتالعان. بۇعان دەيىن دە يزرايل پرەزيدەنت سارايىنا جاقىن ايماقتى نىساناعا العان بولاتىن.
يزرايل بيلىگى بۇل ارەكەتتى ەتنيكالىق تازارتۋعا ۇشىراعان درۋز ازشىلىق توبىن قورعاۋ ماقساتىندا جاسالعانىن العا تارتتى. دەگەنمەن سيريا تاراپى بىرنەشە كۇن بۇرىن ەل بيلىگى مەن درۋز قاۋىمداستىعى جەتەكشىلەرى كەلىسىمگە كەلگەنىن مالىمدەگەن ەدى. الايدا يزرايل درۋزدارعا جاسالعان زورلىق-زومبىلىق دەرەكتەرى الاڭداتىپ وتىرعانىن جەتكىزدى.
ۇلىبريتانيادا ورنالاسقان سيريالىق ادام قۇقىقتارىن
باقىلاۋ ورتالىعىنىڭ مالىمەتىنشە، سوڭعى قاقتىعىستار ناتيجەسىندە اشرافيات ساحنايا، دجارامانا جانە ەس-سۋۆەيدا قالالارىندا 102 ادام كوز جۇمعان. قازا بولعانداردىڭ ىشىندە 70-تەن استامى — درۋزدار، ال قالعانى — قاۋىپسىزدىك قىزمەتىنىڭ وكىلدەرى مەن سودىرلار.
قاقتىعىستار دىنگە قاتىستى باستالعان. سيريانىڭ ۋاقىتشا پرەزيدەنتى احمەد ءال-شاراا ەلدەگى ەتنيكالىق جانە ءدىني ازشىلىقتاردى قورعاۋعا ۋادە بەردى. الايدا درۋزدار — قىسىمعا ۇشىراعان العاشقى توپ ەمەس. بۇعان دەيىن ناۋرىز ايىندا الاۆيتتەر توبى دا قۋعىن-سۇرگىنگە ۇشىراپ، مىڭداعان ادام ليۆانعا باس ساۋعالاۋعا ءماجبۇر بولعان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز