«استانا ارەنا» ستاديونىندا 2 736 شارشى مەتر بولاتىن باۋىرجان مومىشۇلىنىڭ الىپ پورترەتى جاسالىپ، ول «الەمدەگى ەڭ ۇلكەن پورترەت» رەتىندە دۇنيەجۇزىلىك رەكوردتار كىتابىنا ەندى، دەپ حابارلايدى «ادىرنا» ءتىلشىسى.
4 مامىردا وتكەن ءىس-شارا جەڭىستىڭ 80 جىلدىعىنا جانە كەڭەس وداعىنىڭ باتىرى باۋىرجان مومىشۇلىنىڭ 115 جىلدىعىنا وراي ۇيىمداستىرىلدى.
وعان استانانىڭ شىعارماشىلىق ۇجىمدارى، پەداگوگتەر مەن وقۋشىلار قاتىسىپ، بيىكتىگى 70 مەتر، ەنى 32 مەتر بولاتىن پورترەتتى فوتوموزايكا فورماتىندا قۇراستىرىپ شىقتى. ءاربىر پيكسەلدىڭ ولشەمى 1 شارشى مەتردى قۇراعان.
ءىس-شاراعا ارنايى قىتاي جانە ءۇندىستان مەملەكەتىنەن وكىلدەر شاقىرىلدى. رەكورد تىركەلگەنەن كەيىن ۇيىمداستىرۋشىلارعا سەرتيفيكات پەن مەدال بەرىلدى.
<View this post on Instagram
