قازاقستان ۇلتتىق بانكى 9 مامىردا ۇلى جەڭىستىڭ 80 جىلدىعىنا ارنالعان 1 000 تەڭگە نومينالىنداعى مەرەيتويلىق بانكنوتانى اينالىمعا شىعارادى، دەپ حابارلايدى "ادىرنا" ۇلتتىق پورتالى.
مەرەيتويلىق بانكنوتانىڭ ءتۇسى — قوڭىر-سارعىلت، تارالىمى 5 ميلليون دانا بولىپ بەكىتىلگەن.
بانكنوتانىڭ الدىڭعى بەتىندە 28 گۆاردياشى-پانفيلوۆشىلار اتىنداعى ساياباقتا ورنالاسقان داڭق مەموريالى بەينەلەنگەن. بۇل — وتان ءۇشىن جان قيعان باتىرلارعا ارنالعان قۇرمەتتىڭ بەلگىسى.
ميكرو-وپتيكالىق قورعانىس جولاعى بار. بانكنوتانى بۇرىشقا بۇرعاندا
ماڭگىلىك الاۋ مەن ۇشىپ بارا جاتقان تىرنالاردىڭ ءۇش ولشەمدى بەينەسى كورىنەدى.
ەكىنشى بەتىندە قازاقستان كارتاسى مەن تاريحي مۇراعاتتىق فوتوسۋرەتتەر ۇزىندىلەرى بەينەلەنگەن. ەرلىك، باتىرلىق پەن تاباندىلىقتى سيپاتتايتىن وتان سوعىسى وردەنى بەينەلەنگەن.
ۇلتتىق بانك مالىمەتىنشە، جاڭا بانكنوتالار قازاقستان رەسپۋبليكاسىنىڭ اۋماعىندا تولەمنىڭ بارلىق ءتۇرى بويىنشا زاڭدى تولەم قۇرالى بولىپ سانالادى. ونى بانكتەردە ەسەپشوتقا سالۋعا، اۋدارۋعا جانە ۇساقتاۋعا بولادى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز