قىرعىزستان پرەزيدەنتى سادىر جاپاروۆ كرەمل قابىرعاسىنداعى بەلگىسىز سولداتتىڭ قابىرىنە گۇل قويۋ ءراسىمى كەزىندە جەردە جاتقان قىرعىز رەسپۋبليكاسىنىڭ تۋى بەينەلەنگەن جاپسىرمانى كوتەرىپ الدى، دەپ حابارلايدى "ادىرنا" ۇلتتىق پورتالى.
بۇل ءسات شەتەلدىك مەملەكەت باسشىلارىمەن بىرگە ەستەلىك فوتوعا ءتۇسۋ ءراسىمى كەزىندە بولعان.
تەلەكامەرالاردىڭ وبەكتيۆىنە ءتۇسىپ قالعان كادرلاردا جاپاروۆتىڭ سي تسزينپين، ۆلاديمير پۋتين، قاسىم-جومارت توقاەۆ جانە باسقا دا مەملەكەت باسشىلارىمەن ءبىر قاتاردا تۇرعانى كورىنەدى.
قوناقتار حاتتاماعا سايكەس سۋرەتكە ءتۇسۋ ءۇشىن ارنايى بەلگىلەنگەن ورىندارعا جايعاسىپ جاتقان ساتتە سادىر جاپاروۆ اياق استىندا جاتقان جاپسىرمانى بايقاپ، ءيىلىپ ونى جەردەن الىپ، بۇكتەپ قالتاسىنا سالعان.
الەۋمەتتىك جەلى قولدانۋشىلارى بۇل جاپسىرما قىرعىز رەسپۋبليكاسىنىڭ تۋى بولعانىنا سەنىمدى. الەۋمەتتىك جەلىنىڭ قىرعىز تىلىندەگى سەگمەنتىندە بۇل جاعداي كادىمگىدەي رەاكتسيا تۋدىردى. كوپشىلىك پرەزيدەنتتىڭ ارەكەتىنە سۇيسىنگەنىن بىلدىرگەن.
