يراكتا بيلىككە قارسى اكتسيالار كەزىندە ءبىر اپتاعا جەتپەيتىن ۋاقىت ىشىندە 104 ادام قازا تاۋىپ، 6107 ادام جارالانعان. بۇل تۋرالى يراك ىشكى ىستەر مينيسترلىگى حابارلادى. مەكەمەنىڭ ءباسپاسوز حاتشىسى سااد مااننىڭ ايتۋىنشا، زارداپ شەككەندەردىڭ 1200-ءى – قاۋىپسىزدىك كۇشتەرىنىڭ قىزمەتكەرلەرى.
ماان قازا تاپقاندار اراسىندا قاۋىپسىزدىك كۇشتەرىنىڭ سەگىز قىزمەتكەرى بار دەپ ايتتى. ءىىم ءباسپاسوز حاتشىسىنىڭ مالىمەتىنشە، نارازىلار 51 قوعامدىق عيمارات پەن ساياسي پارتيالاردىڭ سەگىز شتاب-پاتەرىن ورتەگەن.
قازاننىڭ 1-ءى كۇنى باستالعان جاستار نارازىلىعىنا مۇنايعا باي مەملەكەتتەگى جەمقورلىق، جۇمىسسىزدىق پەن قوعامدىق قىزمەت ساپاسىنىڭ ناشارلىعى سەبەپ بولدى. ەل استاناسى باعدات پەن تاعى بىرنەشە قالادا قارسىلىق اكتسياسىنا شىققاندار ەلدى جايلاعان جەمقورلىقتى جويىپ، ۇكىمەتتى اۋىستىرۋدى تالاپ ەتتى. نارازىلىق شەرۋلەرىنىڭ سوڭى قاقتىعىستارعا ۇلاسىپ، قانتوگىسكە اكەلگەن.
"ازاتتىق" راديوسى
