اقش پرەزيدەنتى دونالد ترامپ رەسەي-ۋكراينا كەلىسسوزىنە رەسەي پرەزيدەنتى ۆلاديمير پۋتين قاتىسقان جاعدايدا ىستامبۇلعا بارۋعا دايىن ەكەنىن ايتتى. بۇل تۋرالى CNN جازدى، دەپ حابارلايدى “ادىرنا” ۇلتتىق پورتالى.
CNN دونالد ترامپ اكىمشىلىگىندەگى جوعارى لاۋازىمدى قىزمەتكەردىڭ ءسوزىن كەلتىرگەن. ول دونالد ترامپتىڭ تۇركياعا بارۋ-بارماۋى ءالى دە اشىق سۇراق ەكەنىن ايتقان.
«اقش پرەزيدەنتىنىڭ ىستامبۇلعا بارۋى ءالى اشىق كۇيىندە قالىپ وتىر، بۇل كوبىنە ونىڭ رەسەيلىك ارىپتەسى قاتىسا ما، جوق پا — سوعان بايلانىستى بولادى»، — دەپ حابارلايدى CNN تەلەارناسى شەنەۋنىكتىڭ ءسوزىن.
سونداي-اق، ترامپتىڭ وسى اپتادا پارسى شىعاناعى ەلدەرىنە — ساۋد ارابياسى، بىرىككەن اراب امىرلىكتەرى جانە كاتارعا ساپار شەگۋدى جوسپارلاپ وتىرعانىن ايتتى.
اقپارات كوزىنە سۇيەنسەك، بۇل — ونىڭ ەكىنشى مەرزىمى باستالعالى بەرگى العاشقى ءىرى شەتەلدىك ساپارى بولماق. سونىمەن قاتار اقش پرەزيدەنتى قاجەت دەپ تاپسا، تۇركياعا دا بارۋى مۇمكىن.
بۇعان دەيىن دونالد ترامپ 15 مامىر كۇنى رەسەي مەن ۋكراينا اراسىنداعى كەلىسسوزدەرگە قاتىسۋ ءۇشىن ىستامبۇلعا بارۋى مۇمكىن ەكەنىن مالىمدەگەن. ترامپ الداعى كەزدەسۋدىڭ قاقتىعىستى بەيبىت جولمەن رەتتەۋ ءۇشىن ماڭىزدى ەكەنىن اتاپ وتكەن، دەپ حابارلايدى RT.
سونىمەن قاتار، Reuters اگەنتتىگىنىڭ مالىمەتىنشە، الداعى كەلىسسوزدەرگە اقش تاراپىنان ترامپتىڭ ارنايى وكىلدەرى ستيۆ ۋيتكوفف پەن كيت كەللوگ بارادى. ۋيتكوففتىڭ ايتۋىنشا، نەگىزگى تالقىلاناتىن تاقىرىپتار — كيەۆتىڭ كەيبىر تەرريتوريالاردان باس تارتۋى، زاپوروجە اەس-ءىن پايدالانۋ جانە ۋكراينانىڭ دنەپر مەن قارا تەڭىزگە قولجەتىمدىلىگى بولماق.
ەستەرىڭىزگە سالا كەتەيىك، ۆلاديمير زەلەنسكي رەسەي پرەزيدەنتىن بەيسەنبىدە تۇركيادا كۇتەتىنىن ايتقان. دونالد ترامپ تا بەيسەنبى كۇنى كەلىسسوز ءۇشىن ىستامبۇلعا بارۋى مۇمكىن ەكەنىن ايتقان.
رەسەي تارابى ازىرگە كەلىسسوزگە قاتىساتىن شەنەۋنىكتەردىڭ ءتىزىمىن جاريالامادى.
