2006 جىلى يمانعالي تاسماعامبەتوۆ قول قويعان جەر تەلىمى تۋرالى كەلىسىم سوت شەشىمىمەن جارامسىز دەپ تانىلدى، دەپ حابارلايدى "ادىرنا" ۇلتتىق پورتالى.
2006 جىلى الماتى قالاسىنىڭ تۇركسىب اۋدانىنان كوپقاباتتى تۇرعىن ءۇي سالۋ ءۇشىن ساتىلعان جەر تەلىمى تۋرالى كەلىسىم 20 جىلدان كەيىن زاڭسىز دەپ تانىلدى. بۇل كەلىسىمگە سول كەزدەگى قالا اكىمى يمانعالي تاسماعامبەتوۆ قول قويعان بولاتىن.
2024 جىلى الماتى قالاسىنىڭ جەر رەسۋرستارىن باسقارۋ دەپارتامەنتى اتالعان كەلىسىمنىڭ زاڭدىلىعىنا كۇمان كەلتىرىپ، اكىمدىكتىڭ 2005 جىلعى قاۋلىسى مەن كەيىنگى كەلىسىمدەردى سوتقا بەردى. تالاپ-ارىز الماتى اكىمدىگىنە، «كازاحترانسستروي» جشس-نە جانە جەردىڭ قازىرگى يەسى دەنيس كولەسنيكوۆكە قارسى باعىتتالدى.
داۋلى جەر تەلىمىنىڭ كولەمى 0,0851 گەكتار، مەكەنجايى – چەرنىشەۆسكي كوشەسى، 2.
جەر باستاپقىدا تۇرعىن ءۇي سالۋعا جانە پايدالانۋعا ارنالعانىمەن، سوت وتىرىسىندا 2006 جىلى بۇل اۋماقتا جاتاقحانا بولعانى، ونىڭ كەي بولمەلەرى جەكەشەلەندىرىلگەنى انىقتالدى. سوعان قاراماستان، جەر عيماراتسىز ساتىلعان، بۇل زاڭ تالاپتارىنا قايشى دەپ تانىلدى.
سوت تالاپ قويۋ مەرزىمىنىڭ ءوتىپ كەتپەگەنىن اتاپ ءوتىپ، تۇركسىب اۋدانىنىڭ پروكۋراتۋراسى مەن جەر رەسۋرستارىن باسقارۋ دەپارتامەنتىنىڭ ۋاجدەرىن نەگىزدى دەپ تاپتى. ناتيجەسىندە، سوت 2006 جىلى يمانعالي تاسماعامبەتوۆ پەن «كازاحترانسستروي» جشس اراسىندا جاسالعان ساتىپ الۋ-ساتۋ كەلىسىمىن جارامسىز دەپ تانىدى.
