2006 jyly İmanǧali Tasmaǧambetov qol qoiǧan jer telımı turaly kelısım sot şeşımımen jaramsyz dep tanyldy, dep habarlaidy "Adyrna" ūlttyq portaly.
2006 jyly Almaty qalasynyŋ Türksıb audanynan köpqabatty tūrǧyn üi salu üşın satylǧan jer telımı turaly kelısım 20 jyldan keiın zaŋsyz dep tanyldy. Būl kelısımge sol kezdegı qala äkımı İmanǧali Tasmaǧambetov qol qoiǧan bolatyn.
2024 jyly Almaty qalasynyŋ Jer resurstaryn basqaru departamentı atalǧan kelısımnıŋ zaŋdylyǧyna kümän keltırıp, äkımdıktıŋ 2005 jylǧy qaulysy men keiıngı kelısımderdı sotqa berdı. Talap-aryz Almaty äkımdıgıne, «Kazahtransstroi» JŞS-ne jäne jerdıŋ qazırgı iesı Denis Kolesnikovke qarsy baǧyttaldy.
Dauly jer telımınıŋ kölemı 0,0851 gektar, mekenjaiy – Chernyşevskii köşesı, 2.
Jer bastapqyda tūrǧyn üi saluǧa jäne paidalanuǧa arnalǧanymen, sot otyrysynda 2006 jyly būl aumaqta jataqhana bolǧany, onyŋ kei bölmelerı jekeşelendırılgenı anyqtaldy. Soǧan qaramastan, jer ǧimaratsyz satylǧan, būl zaŋ talaptaryna qaişy dep tanyldy.
Sot talap qoiu merzımınıŋ ötıp ketpegenın atap ötıp, Türksıb audanynyŋ prokuraturasy men Jer resurstaryn basqaru departamentınıŋ uäjderın negızdı dep tapty. Nätijesınde, sot 2006 jyly İmanǧali Tasmaǧambetov pen «Kazahtransstroi» JŞS arasynda jasalǧan satyp alu-satu kelısımın jaramsyz dep tanydy.
