Astanada Halyqaralyq «Qazaq tılı» qoǧamynyŋ jyldyq qorytyndy qūryltaiy öttı.
Qūryltaiǧa Qazaqstan Prezidentınıŋ kömekşısı — Prezidenttıŋ baspasöz hatşysy Ruslan Jeldıbai, Parlament deputattary, Halyqaralyq «Qazaq tılı» qoǧamynyŋ qūryltaişylary men Ortalyq keŋes müşelerı, qor demeuşılerı, öŋırlık filial töraǧalary jäne delegattar qatysty.
Jiynda ūiymnyŋ jyl boiy atqarylǧan jūmystaryna esep berıldı. Sondai-aq Endowment qorynyŋ jetekşısı sailandy. Qūryltaiǧa qatysqan qauym bırauyzdan Halyqaralyq "Qazaq tılı" qoǧamynyŋ vise-prezidentı Dulat Tastekeidıŋ kandidaturasyn qoldady.
Aita keteiık, 2023 jyly qūrylǧan Qazaq Tili Endowment qory Qoǧamnyŋ ūzaq merzımdı tūraqtylyǧyn qamtamasyz etuge yqpal etıp keledı. Memleket basşysynyŋ alǧaşqy qoldauynan keiın ırı käsıpkerler men kompaniialar bastamany jalǧastyryp, bügıngı taŋda qorǧa 700 million teŋgeden asa qarajat jinaldy. Qor qarajaty jūmsalmaidy. Biylǧy üsteme tabys mölşerı 80 million teŋgenı qūraǧan. Būl Qoǧamnyŋ qarjylyq derbestıgın nyǧaituǧa mümkındık berdı.
«Qazaq tılı» qoǧamynyŋ endaument qory 2023 jyly memlekettık tıldı damytu men qoldau maqsatynda jüielı jäne tūraqty jūmysqa qajet qarjylyq negız qalyptastyru üşın qūrylǧan.
Bırınşı bolyp būl bastamany Qazaqstan Prezidentı Qasym-Jomart Toqaev qoldap, 7 mln teŋge kölemınde jarna audarǧan edı. Memleket basşysynyŋ būl bastamasyn belgılı qazaqstandyq käsıpkerler men qazaq tılınıŋ janaşyrlary jalǧastyrdy.
Biyl säuırde Lancaster Group aksionerlerı — Berık Qaniev, Gauhar Qapparova jäne Iýrii Pak Qazaq Tili Endowment qoryna 200 mln teŋge bölse, TAS Group qarjy kompaniiasy 100 mln teŋge audarǧan bolatyn.
