“Qazaq tılı” qoǧamyna jaŋa basşy taǧaiyndalypty, qūtty bolsyn deimız. Endıgı mäsele basşy auysqannan qoǧam jaǧdaiy oŋalyp kete me? Äbduali Qaidar, Ömırzaq Aitbaiūly sekıldı tau tūlǧalar basqarǧan kezde būl qoǧamynyŋ azuy alty qarys edı, tıl üşın tolassyz maidandasyp, är söz üşın örelı taldau jasap, terminderdıŋ audarmasyn taldap tynym tappai qyzmet ettı. Kabinetterıne barsaŋ tau bolyp üiılgen qaǧazdan bastaryn äzer köteretın. Ol kezde ūiymnyŋ öŋırlerdegı ökılderı de ötkır bolatyn.
Sol azamattardyŋ esıl eŋbegı eş bolyp, ministr Raiymqūlovanyŋ tūsynda osylan 3000-nan asa termin taz qalpyna tüskende : “Änūran” nesımen jaqpady, Bibliiany endı Bibliia deimız degenı qai sasqany?! - dep şyrqyrap edık. Būl salada: Täit ary! - dep Tıl komitetın yqtyra alatyn ırı tūlǧa qalmaǧanyna qarap tüŋıldık. Qazırgı qoǧam - şalajansar.
Aty bar, al auqymdy şara ūiymdastyryp äleuetın köteruge qoly qysqa. Jer-jerde bölım aşyp, ökıl sailaǧanymen olardyŋ jūmysyna jetı tiyn aqy tölep, şarasyn qarjylandyra almaidy. Sodan baryp äldebır jiyndarda “anabır basqarma älde bölım jäne “Qazaq tılı” qoǧamynyŋ ūiymdastyruymen” degendei qosalqy bolyp jüredı. Qoǧamnyŋ tırı ekenın bıldırgısı keletın būl amaldar abyroi äkelmeidı. Rauan ınımız osy mäselelerdı şeşe alsa, jaraǧany. Jas qoi, ana qoǧamdy basqarǧan degen ataq üşın ǧana kelmegen bolar?! Prezident būl ūiym jaily jyly pıkır bıldırıp, jansaqtau bölımınen şyǧaraiyq degendei oi aitqaly bıraz boldy, “Qazaq tılıne” basqa emes, sol kısı süiengender selsoq qarap otyr.
Baiqasaŋyzdar, “halyqaralyq” demedım, qazaq tılınıŋ Qazaqstandaǧy jaǧdaiyn tüzep alaiyqşy, basqa halyqtardyŋ arasyn da, közqarasyn da keiın bılermız…
Ūqsas jaŋalyqtar
