17 مامىر كۇنى وزبەكستان پرەزيدەنتى شاۆكات ميرزيوەۆ مەملەكەت باسشىسى قاسىم-جومارت توقاەۆپەن تەلەفون ارقىلى سويلەسىپ، ونى تۋعان كۇنىمەن قۇتتىقتادى، دەپ حابارلايدى “ادىرنا” ۇلتتىق پورتالى.
شاۆكات ميرزيوەۆ پرەزيدەنت توقاەۆقا جاۋاپتى قىزمەتىندە تابىس تىلەپ، قازاق حالقىنىڭ ءوسىپ-وركەندەۋىنە نيەتتەستىك ءبىلدىردى. اڭگىمە بارىسىندا تاراپتار قازاق-وزبەك ستراتەگيالىق سەرىكتەستىگىن دامىتۋ، تاتۋ كورشىلىك پەن وداقتاستىقتى نىعايتۋ ماسەلەلەرىن تالقىلادى.
سونداي-اق ساۋدا، ونەركاسىپتىك كووپەراتسيا، لوگيستيكا، اۋىل شارۋاشىلىعى، تۋريزم، ءبىلىم جانە مادەنيەت سالالارىنداعى ارىپتەستىكتى كەڭەيتۋگە ەرەكشە نازار اۋدارىلدى.
ايتا كەتەيىك، بۇعان دەيىن مەملەكەت باسشىسىن رەسەي پرەزيدەنتى ۆلاديمير پۋتين مەن بەلارۋس پرەزيدەنتى الەكساندر لۋكاشەنكو دا تۋعان كۇنىمەن قۇتتىقتاعان.
ۇقساس جاڭالىقتار
