اقتاۋلىق شاحماتشى ەلىمىزدەگى ەڭ جاس حالىقارالىق گروسسمەيستەر اتاندى

اقتاۋلىق شاحماتشى ەدگار مامەدوۆ ەلىمىزدىڭ ەڭ جاس حالىقارالىق گروسسمەيستەرى اتاندى، دەپ حابارلايدى "ادىرنا" ۇلتتىق پورتالى. ەدگار مامەدوۆ 14 جاسىندا قازاقستاننىڭ جاڭا رەكوردىن ورناتتى. بۇل تۋرالى ماڭعىستاۋ وبلىستىق قوعامدىق كوممۋنيكاتسيا ورتالىعى مالىمدەدى. «ەدگاردىڭ ءۇش گروسسمەيستەرلىك ۇپايى مەن فيدە رەيتينگى 2492 بولدى، قاجەتتى 2500 ۇپايعا جەتۋ ءۇشىن نەبارى 8 ۇپاي جەتپەي قالدى. Sharjah Masters International Chess Championship 2025 — A سۋپەرتۋرنيرىندە ەدگار العاشقى ەكى تۋردى سەنىمدى تۇردە وتكىزىپ، جەتپەيتىن باللدارىن جيناپ، رەسمي تۇردە گروسسمەيستەر اتاندى»، — دەلىنگەن حابارلامادا. ەدگار مامەدوۆ — 14 جاسىندا GM (حالىقارالىق گروسسمەيستەر) اتاعىن العان قازاقستاننىڭ العاشقى شاحماتشىسى.