2025 جىلعى 12–15 مامىردا استانا قالاسىندا 7–8 سىنىپ وقۋشىلارى اراسىنداعى ۇلتتىق «Geo Star» وليمپياداسىنىڭ رەسپۋبليكالىق كەزەڭى ءوتتى. بۇل بايقاۋعا قازاقستاننىڭ تۇكپىر-تۇكپىرىنەن ەڭ ءبىلىمدى، بەلسەندى جانە گەوگرافياعا ىنتالى جاس دارىندار جينالدى.
اكمولا ءوڭىرىن ءبىلىم سايىسىنا ءتورت وقۋشى تانىستىردى. ولاردىڭ ەكەۋى ەڭ الدىڭعى ورىندارعا يە بولىپ، وبلىس نامىسىن ابىرويمەن قورعادى.
ءىى دارەجەلى ديپلوم دومبروۆسكي تيمۋرعا بۇيىردى. ول — بۋراباي اۋدانى، قاتاركول اۋىلى، دوسوۆ اتىنداعى ورتا مەكتەپتىڭ 7-سىنىپ وقۋشىسى. تيمۋردىڭ تەرەڭ گەوگرافيالىق ءبىلىمى مەن لوگيكالىق ويلاۋ قابىلەتى قازىلار القاسىنىڭ جوعارى باعاسىنا يە بولدى.
ءىىى دارەجەلى ديپلوم «ءبىلىم-يننوۆاتسيا» ليتسەي-ينتەرناتىنىڭ 7-سىنىپ وقۋشىسى مۋستافين التەمىرگە تابىستالدى. التەمير وزىنەن كۇتپەگەن سۇراقتارعا دا ءدال ءارى سەنىمدى جاۋاپ بەرىپ، جۇلدەلى ورىنعا لايىقتى ۇمىتكەر ەكەنىن دالەلدەدى.
وسىنداي ينتەللەكتۋالدىق دودا جاس تالاپكەرلەردىڭ بىلىمگە قۇشتارلىعىن ارتتىرىپ، ەلىمىزدىڭ گەوگرافيالىق كارتاسىندا اقمولا ايماعىن جوعارى دەڭگەيدە تانىتۋعا مۇمكىندىك بەرەدى.
قۇرمەتتى جەڭىمپازدار مەن ولاردىڭ ۇستازدارىن شىن جۇرەكتەن قۇتتىقتايمىز! جاڭا جەتىستىكتەر مەن بيىك بەلەستەردى باعىندىرۋ جولىندا ساتتىلىك تىلەيمىز!
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز