2025 jylǧy 12–15 mamyrda Astana qalasynda 7–8 synyp oquşylary arasyndaǧy ūlttyq «Geo Star» olimpiadasynyŋ respublikalyq kezeŋı öttı. Būl baiqauǧa Qazaqstannyŋ tükpır-tükpırınen eŋ bılımdı, belsendı jäne geografiiaǧa yntaly jas daryndar jinaldy.
Akmola öŋırın bılım saiysyna tört oquşy tanystyrdy. Olardyŋ ekeuı eŋ aldyŋǧy oryndarǧa ie bolyp, oblys namysyn abyroimen qorǧady.
II därejelı diplom Dombrovskii Timurǧa būiyrdy. Ol — Burabai audany, Qatarköl auyly, Dosov atyndaǧy orta mekteptıŋ 7-synyp oquşysy. Timurdyŋ tereŋ geografiialyq bılımı men logikalyq oilau qabıletı qazylar alqasynyŋ joǧary baǧasyna ie boldy.
III därejelı diplom «Bılım-innovasiia» lisei-internatynyŋ 7-synyp oquşysy Mustafin Ältemırge tabystaldy. Altemir özınen kütpegen sūraqtarǧa da däl ärı senımdı jauap berıp, jüldelı orynǧa laiyqty ümıtker ekenın däleldedı.
Osyndai intellektualdyq doda jas talapkerlerdıŋ bılımge qūştarlyǧyn arttyryp, elımızdıŋ geografiialyq kartasynda Aqmola aimaǧyn joǧary deŋgeide tanytuǧa mümkındık beredı.
Qūrmettı jeŋımpazdar men olardyŋ ūstazdaryn şyn jürekten qūttyqtaimyz! Jaŋa jetıstıkter men biık belesterdı baǧyndyru jolynda sättılık tıleimız!
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz