22-23 مامىر ارالىعىندا ەلىمىزدىڭ بارلىق وڭىرىندە «ءورت-2025» رەسپۋبليكالىق كوماندالىق-شتابتىق وقۋ-جاتتىعۋى وتەدى، دەپ حابارلايدى «ادىرنا» ءتىلشىسى.
بۇل ءىس-شارا باسقارۋ ورگاندارىنىڭ، ازاماتتىق قورعاۋ اۋماقتىق كىشى جۇيەسى كۇشتەرى مەن قۇرالدارىنىڭ تابيعي ورتتەر تۋىنداعان كەزدەگى ءىس-قيمىلدارعا دايىندىق دەڭگەيىن ارتتىرۋ ماقساتىندا ۇيىمداستىرىلادى.
وقۋ-جاتتىعۋدى ۇيلەستىرۋ جانە باسقارۋ رەسپۋبليكالىق شتابى پاۆلودار وبلىسىندا ورنالاساتىن بولادى.
ترانسشەكارالىق اۋماقتا تابيعي ورتتەردى سوندىرۋگە دەن قويۋدى پىسىقتاۋ ءۇشىن رەسەي تجم كۇشتەرى مەن قۇرالدارى تارتىلاتىن بولادى.
"اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعىن تەكسەرۋ ماقساتىندا 22 مامىردا ساعات 9.00-دە «بارشانىڭ نازارىنا!» ەلىمىزدىڭ تۇكپىر-تۇكپىرىندە بارلىق قولدا بار دىبىستىق ەلەكتر سيرەنالارى ىسكە قوسىلادى. وسىعان بايلانىستى تىنىشتىقتى ساقتاپ، دۇربەلەڭ مەن قاۋەسەتكە بەرىلمەۋىڭىزدى سۇرايمىز", - دەپ ەسكەرتتى تجم.
