تۇركىستان وبلىسى سارىاعاش اۋداندىق سوتى «قىزمەتتىك مىندەتتەرىن ورىنداۋ كەزىندە جابىرلەنۋشىنى زورلادى» دەپ ايىپتالعان پوليتسەيگە قاتىستى ۇكىم شىعاردى، دەپ حابارلايدى «ادىرنا» ءتىلشىسى.
ەر ادام 2024 جىلدىڭ 17 قىركۇي̆ەگىندە بەي̆نەباقىلاۋ كامەراسى ورناتىلماعان بولمەدە ج. ەسىمدى ازاماتشانى زورلاعان.
پروكۋرور سوتتالۋشىنى كىنالى دەپ تانىپ، وعان 10 جىل مەرزىمگە باس بوستاندىعىنان اي̆ىرۋ جازاسىن تاعاي̆ىنداۋدى سۇرادى.
جابىرلەنۋشى ايەل سوت وتىرىسىندا جىنىستىق قاتىناس ءوز ەركىمەن بولعانىن، ال ارىزدى جۇكتىلىك كەزىندە دەپرەسسيا جاعداي̆ىندا جازعانىن مالىمدەدى. ال پوليتسەي جىنىستىق قاتىناس ءوزارا كەلىسىم بوي̆ىنشا بولعانىن، بىراق قىزمەتتىك جاعداي̆ىن پاي̆دالانعانىن اي̆تىپ، سوتتان ءوزىن اقتاۋدى سۇرادى.
«سوتتالۋشىنىڭ كىناسى سوت-بيولوگيالىق ساراپتامانىڭ، ۋلترادىبىستىق زەرتتەۋدىڭ قورىتىندىلارى، جابىرلەنۋشىنىڭ سوتقا دەي̆ىنگى تەرگەپ-تەكسەرۋ بارىسىندا بەرگەن جاۋابىمەن، بەتتەستىرۋ حاتتامالارىمەن جانە ءىستىڭ باسقا دا اي̆عاقتارىمەن دالەلدەندى. سوت سوتتالۋشىعا جازا تاعاي̆ىنداۋ بارىسىندا، ونىڭ قىلمىستىق جاۋاپتىلىعىن جەڭىلدەتەتىن ءمان-جاي̆لارعا جابىرلەنۋشىنىڭ كەشىرىم بەرگەنىن جانە وتباسىلىق جاعداي̆ىن ەسكەرىپ، ال جازاسىن اۋىرلاتاتىن ءمان-جاي̆لارعا قۇقىق قورعاۋ ورگاندارىنىڭ كاسىبي انتىن بۇزعانىن تانىدى»،—دەلىنگەن حابارلامادا.
سوت ۇكىمىمەن پوليتسەي كىنالى دەپ تانىلىپ، 9 جىل مەرزىمگە باس بوستاندىعىنان اي̆ىرۋ جازاسى تاعاي̆ىندالدى.
سوت ۇكىمى زاڭدى كۇشىنە ەنگەن جوق، سەبەبى سوتتالۋشىنىڭ قورعاۋشىسى اپەللياتسيالىق تارتىپپەن شاعىم تۇسىرگەن.
