ۋكرايناداعى سوعىس تەك ەۋروپانىڭ عانا ەمەس، سونداي-اق بۇكىل ازيا-تىنىق مۇحيتى ايماعىنىڭ تۇراقتىلىعىنا قاۋىپ توندىرەدى. بۇل تۋرالى فرانتسيا پرەزيدەنتى ەممانۋەل ماكرون وڭتۇستىك-شىعىس ازياعا جاساعان ساپارى بارىسىندا ايتتى، دەپ حابارلايدى «ادىرنا» ءتىلشىسى BFMTV تەلەارناسىنا سىلتەمە جاساپ.
فرانتسۋز كوشباسشىسىنىڭ پىكىرىنشە، رەسەي تاراپى سوعىستى سولتۇستىك كورەيا اسكەرىنىڭ قولداۋىمەن جۇرگىزىپ جاتىر.
ول ۆەتنام مەن يندونەزيا سەكىلدى ايماق ەلدەرىنە ۇندەۋ جاساپ، رەسەيلىك قارۋعا بالاما ىزدەۋگە شاقىردى.
سونداي-اق ماكرون كرەمل ارەكەتىن سىنعا الدى.
«كەلىسسوزدەرگە دايىنبىز دەگەننەن كەيىن شابۋىل جاساۋعا بولمايدى. مەنىڭ ويىمشا، اقش پرەزيدەنتى دونالد ترامپ ءوزىنىڭ الدانعانىن ءتۇسىندى. پۋتين بەيبىتشىلىك تۋرالى مالىمدەمەسىندە وتىرىك ايتتى»،—دەدى ول.
