ازەربايجان پرەزيدەنتى يلحام اليەۆ لاشىن قالاسىندا تاۋەلسىزدىك كۇنىنە ارنالعان كونتسەرت الدىندا سويلەگەن سوزىندە تۇركيا مەن پاكىستانعا وتان سوعىسى (تاۋلى قاراباق رەسپۋبليكاسىنان ازات ەتۋ) كەزىندە كورسەتكەن ساياسي جانە مورالدىق قولداۋى ءۇشىن ريزاشىلىعىن ءبىلدىردى، دەپ حابارلايدى "ادىرنا" ۇلتتىق پورتالى ءازارتادج اگەنتتىگىنە سىلتەمە جاساپ.
ء"بىز بۇل وڭىردە، لاشىن قالاسىندا بىرگە بولۋىمىز سيمۆولدىق مانگە يە. بۇل قالا 30 جىل بويى وككۋپاتسيادا بولدى. 44 كۇنگە سوزىلعان وتان سوعىسىندا بىزگە تۇركيا مەن پاكىستان قولداۋ كورسەتتى. بۇل قولداۋ بىزگە رۋح بەرىپ، كۇش قوستى. ءبىز ءاردايىم باۋىرلاس ەلدەردىڭ باسشىلارىنا جانە حالىقتارىنا بۇل ساياسي ءارى مورالدىق قولداۋى ءۇشىن ريزامىز", - دەدى اليەۆ.
مەملەكەت باسشىسى سوزىندە وسىدان 107 جىل بۇرىن مۇسىلمان الەمىندەگى العاشقى دەموكراتيالىق رەسپۋبليكا – ازەربايجان دەموكراتيالىق رەسپۋبليكاسى قۇرىلعانىن اتاپ ءوتتى.
پرەزيدەنتتىڭ ايتۋىنشا، بۇل رەسپۋبليكا ۇزاق ءومىر سۇرمەدى. 1920 جىلدىڭ ساۋىرىندە ەلدىڭ تاۋەلسىزدىگى جويىلدى. ال بىرنەشە ايدان كەيىن باتىس زاڭگەزۋر ازەربايجاننان ءبولىنىپ، ارمەنياعا قوسىلعان.
"بۇل ۇلكەن ادىلەتسىزدىك بولدى. ازەربايجان حالقى تاريح بويى وسىنداي ادىلەتسىزدىكتەرگە ۇشىراپ كەلدى", - دەدى يلحام اليەۆ.
