قۇلسارى قالاسىنداعى جانارماي قۇيۋ بەكەتىندە بولعان جويقىن جارىلىستان قازا تاپقان ەكى ادام – ەرلى-زايىپتى ەكەنى بەلگىلى بولدى، دەپ حابارلايدى "ادىرنا" ۇلتتىق پورتالى.
وقيعا كەزىندە 43 جاستاعى بەركىن يبەتوۆ تسيستەرنا ىشىندە جۇمىس ىستەپ جاتقان. ال ونىڭ 40 جاستاعى جۇبايى مەيرامگۇل سارباسوۆا جانارماي قۇيۋ بەكەتىنىڭ عيماراتىندا بولعان. ەكەۋى دە العان اۋىر جاراقاتتارىنان سول جەردە كوز جۇمعان.
مارقۇمداردىڭ ارتىندا بالالارى قالىپ وتىر. قازىر جەرگىلىكتى تۇرعىندار مەن الەۋمەتتىك جەلى قولدانۋشىلارى ولاردىڭ وتباسىنا قولداۋ كورسەتىپ، كوڭىل ايتىپ جاتىر.
توتەنشە جاعدايلار دەپارتامەنتىنىڭ مالىمەتىنشە، ءورت كەشە كەشكى ساعات 21:47-دە تولىق ءسوندىرىلدى. زارداپ شەككەندەر سانى 14 ادامعا جەتكەنى حابارلانعان ەدى.
قازىرگى ۋاقىتتا جارىلىستىڭ ناقتى سەبەپتەرى انىقتالىپ جاتىر.
ۇقساس جاڭالىقتار
