سولتۇستىك قازاقستان وبلىسىنداعى «تايىنشا-ماي» زاۋىتىندا جارىلىس بولدى، دەپ حابارلايدى «ادىرنا» ءتىلشىسى.
وقىس وقيعا 25 ماۋسىم كۇنى ساعات 16:00-دە بولعان.
«الدىن الا اقپارات بويىنشا جانارماي قۇيۋ كەزىندە گازگولدەردىڭ شلانگىسى ءۇزىلىپ، گاز تاسىعىش ماشينا، كەيىنەن جەراستى رەزەرۆۋار تىرەۋىش ارماتۋراسى جاندى»، - دەدى وبلىستىق پوليتسيا دەپارتامەنتى.
وقيعا سالدارىنان 8 ادام ءتۇرلى دارەجەدەگى كۇيىك الىپ، كوكشەتاۋ قالاسىنىڭ وبلىستىق اۋرۋحاناسىنا جەتكىزىلدى. دارىگەرلەردىڭ قاراۋىنان كەيىن ءبىر ادام ۇيىنە جىبەرىلگەن.
قازىرگى تاڭدا ءورتتىڭ سەبەپتەرى انىقتالىپ جاتىر. وقيعا فاكتىسى بويىنشا وبلىستىق تجد سوتقا دەيىنگى تەرگەۋ جۇرگىزۋدە.
ايتا كەتەيىك، «تايىنشا-ماي» زاۋىتى 2016 جىلى ء«بىر بەلدەۋ، ءبىر جول» جوباسى اياسىندا سالىنعان بولاتىن. كاسىپورىندى قىتاي ينۆەستورلارى قارجىلاندىرعان.
