ومبى وبلىسىندا گاز قۇبىرىندا جارىلىس بولدى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
قازاقستان شەكاراسىنا جاقىن رەسەيدىڭ ومبى وبلىسى، روستوۆكا اۋىلىندا ماگيسترالدى گاز قۇبىرىنىڭ جەر استىنداعى ۋچاسكەسىندە گازدىڭ اعىپ كەتۋى سالدارىنان ءورت شىقتى.
وقيعا رەسمي دەرەكتەرگە سايكەس، جوندەۋ جۇمىستارىن جۇرگىزۋ كەزىندە ورىن العان. كورشىلەردىڭ ايتۋىنشا، ءورت شىقپاس بۇرىن تۇرعىن اۋدانعا جاقىن جەردە كۇشتى جارىلىس ەستىلگەن.
ومبى وبلىسىنىڭ باسشىسى ۆيتالي حوتسەنكو تۇرعىندارعا قاۋىپتىڭ جوق ەكەنىن حابارلاپ، جاعداي بويىنشا تەكسەرۋ جۇمىستارىنىڭ ءجۇرىپ جاتقانىن ايتتى.
«ماگيسترالدى گاز قۇبىرىنىڭ جەر استىنداعى ۋچاسكەسىندەگى اپاتتى جاعدايدى ماماندار زەرتتەپ جاتىر. وم اۋدانى مەن وبلىسىمىزدىڭ باسقا ەلدى مەكەندەرىندەگى تۇرعىندارعا ەشقانداي قاۋىپ جوق. ساق بولىڭىزدار جانە تەك رەسمي اقپاراتقا سەنىڭىزدەر»، – دەدى وبلىس اكىمى.
جارىلىس سالدارىنان ەشكىم زارداپ شەكپەدى، قۇربان بولعان جوق. قازىر ءورتتى ءسوندىرۋ جانە اپاتتى ۋچاسكەنى تەكسەرۋ جۇمىستارى جالعاسۋدا.
