Omby oblysynda gaz qūbyrynda jarylys boldy, dep habarlaidy "Adyrna" ūlttyq portaly Ūlysmediaǧa sıltep.
Qazaqstan şekarasyna jaqyn Reseidıŋ Omby oblysy, Rostovka auylynda magistraldy gaz qūbyrynyŋ jer astyndaǧy uchaskesınde gazdyŋ aǧyp ketuı saldarynan ört şyqty.
Oqiǧa resmi derekterge säikes, jöndeu jūmystaryn jürgızu kezınde oryn alǧan. Körşılerdıŋ aituynşa, ört şyqpas būryn tūrǧyn audanǧa jaqyn jerde küştı jarylys estılgen.
Omby oblysynyŋ basşysy Vitalii Hosenko tūrǧyndarǧa qauıptıŋ joq ekenın habarlap, jaǧdai boiynşa tekseru jūmystarynyŋ jürıp jatqanyn aitty.
«Magistraldy gaz qūbyrynyŋ jer astyndaǧy uchaskesındegı apatty jaǧdaidy mamandar zerttep jatyr. Om audany men oblysymyzdyŋ basqa eldı mekenderındegı tūrǧyndarǧa eşqandai qauıp joq. Saq bolyŋyzdar jäne tek resmi aqparatqa senıŋızder», – dedı oblys äkımı.
Jarylys saldarynan eşkım zardap şekpedı, qūrban bolǧan joq. Qazır örttı söndıru jäne apatty uchaskenı tekseru jūmystary jalǧasuda.
