Bıyl elimizde qant tapshylyǵy bolmaıdy. Bul týraly búgin Aýyl sharýashylyǵy mınıstri Aıdarbek Saparov Úkimet otyrysynan keıin ótken baspasóz máslıhatynda aıtty, dep habarlaıdy «Adyrna» tilshisi.
Ol Qazaqstanǵa jylyna 550 myń tonna qant qajettigin málimdedi.
«Búginde bizde 90 myń tonna qant bar. Sondaı-aq bizdiń alatyn 120 myń tonnalyq kvotamyz bar. Odan bólek, el aýmaǵyna bajsyz kirgiziletin qant kólemi – 300 myń tonna. Sondyqtan qant jetedi dep aıtýǵa bolady. Men jýyrda qosymsha 80 myń tonna jetkizý týraly Reseıdiń Aýyl sharýashylyǵy mınıstrimen sóılestim. Kim biledi, erteń jaǵdaı kúrt ózgerip ketýi múmkin. Sondyqtan bárine daıyn bolýymyz kerek. Qant jaǵy 100 paıyz qamtylady dep oılaımyn», - dedi mınıstr.
