"ايەلىن ءولتىردى" دەگەن ايىپ تاعىلعان ەكس-مينيستر بيشىمباەۆتىڭ سوتى بىرنەشە اپتاعا سوزىلدى. سوت وتىرىسىندا رەسەي ماماندارىنىڭ مەديتسينالىق ساراپتاماسى وقىلدى.
سوتتالۋشىنىڭ ادۆوكاتتارى ساراپتاماعا سۇيەنە وتىرىپ، مارقۇم سالتانات نۇكەنوۆانىڭ باسىنان قان كەتۋىنىڭ سەبەبى ولىمنەن 3-4 اپتا بۇرىن پايدا بولعان جاراقات بولۋى مۇمكىن دەپ مالىمدەدى.
"تورلى قابىق استىنا قان قۇيىلۋىنىڭ ەتەك الۋى سۋبدۋرالدى قاندى ىسىكتەن قاننىڭ كەتۋىنە، سودان كەيىن ونىڭ جارىلۋىنا جانە سۋباراحنويدتى كەڭىستىكتىڭ قالىپتاسۋىنا اكەپ سوققان. سوت-مەديتسينالىق تاجىريبە مەن قازىرگى زاماننىڭ مەديتسينا عىلىمىنىڭ دەرەكتەرى قالىپتاسار الدىندا سۋبدۋرالدى جاراقاتتان قان كەتىپ، جارىلۋىنا ءتىپتى شامالى تراۆماتيكالىق اسەر دە ىقپال ەتە ەتەتىنى بەلگىلى", – دەيدى ساراپتاما قورىتىندىسىن وقىعان قۇسايىنوۆا.
الايدا ايىپتاۋ تاراپى دا، جابىرلەنۋشىنىڭ ادۆوكاتتارى دا رەسەي ماماندارىنىڭ ساراپتاماسىنىڭ قورىتىندىسىن ىستەن مۇلدە الىپ تاستاۋدى سۇرايدى.
سۋديا رەسەيلىك ساراپشىلاردىڭ قورىتىندىسىن دالەل دەپ ساناۋعا بولا ما دەگەن شەشىم قابىلداۋ ءۇشىن سوت بارىسىندا ءۇزىلىس جاريالادى.
