"Áıelin óltirdi" degen aıyp taǵylǵan eks-mınıstr Bıshimbaevtyń soty birneshe aptaǵa sozyldy. Sot otyrysynda Reseı mamandarynyń medıınalyq saraptamasy oqyldy.
Sottalýshynyń advokattary saraptamaǵa súıene otyryp, marqum Saltanat Núkenovanyń basynan qan ketýiniń sebebi ólimnen 3-4 apta buryn paıda bolǵan jaraqat bolýy múmkin dep málimdedi.
"Torly qabyq astyna qan quıylýynyń etek alýy sýbdýraldy qandy isikten qannyń ketýine, sodan keıin onyń jarylýyna jáne sýbarahnoıdty keńistiktiń qalyptasýyna ákep soqqan. Sot-medıınalyq tájirıbe men qazirgi zamannyń medıına ǵylymynyń derekteri qalyptasar aldynda sýbdýraldy jaraqattan qan ketip, jarylýyna tipti shamaly travmatıkalyq áser de yqpal ete etetini belgili", – deıdi saraptama qorytyndysyn oqyǵan Qusaıynova.
Alaıda aıyptaý tarapy da, jábirlenýshiniń advokattary da Reseı mamandarynyń saraptamasynyń qorytyndysyn isten múlde alyp tastaýdy suraıdy.
Sýdıa reseılik sarapshylardyń qorytyndysyn dálel dep sanaýǵa bola ma degen sheshim qabyldaý úshin sot barysynda úzilis jarııalady.
