وش وبلىسىندا مەكتەپتى بىتىرگەنىنە 20 جىلدىق مەرەيتويدان سوڭ كۇيەۋى ايەلىن ءولتىرىپ، بەس بالانى جەتىم قالدىردى، دەپ حابارلايدى "ادىرنا" ۇلتتىق پورتالى.
وقيعا 27 مامىردا بولعان. الدىن الا مالىمەتتەرگە سۇيەنسەك، ەر ادام بۇل ارەكەتكە قىزعانىشتان بارعان. 38 جاستاعى ايزيرەك ەسىمدى ايەل ادام العان جاراقاتىنان وقيعا ورنىندا كوز جۇمدى. دارىگەرلەر ونىڭ ءومىرىن امان الىپ قالا المادى.
قازىر 40 جاستاعى كۇدىكتى قاماۋعا الىندى. وش وبلىستىق پوليتسياسى بۇل جايتقا بايلانىستى قىرعىزستان قىلمىستىق كودەكسىنىڭ "كىسى ءولتىرۋ" بابىمەن ءىس قوزعاعانىن حابارلادى. تەرگەۋ ورگاندارى قىلمىستىڭ سەبەپتەرى مەن ءمان-جايىن انىقتاپ جاتىر.
ەرلى-زايىپتىنىڭ ارتىندا بەس بالاسى قالعان.
وش قالاسىنىڭ مەرى جەڭىشبەك توكتورباەۆ مارقۇم ايەلدىڭ اتا-اناسىمەن كەزدەستى. ول مەكتەپ جاسىنداعى بالالاردى تۇرعىن ۇيمەن، تاماقپەن، كيىم-كەشەكپەن قامتاماسىز ەتىپ، ولاردى مامانداردىڭ باقىلاۋىنا الاتىنىن ايتقان. ول كۇيەۋى ولتىرگەن ايەلدىڭ بالالارىن ۆالەنتينا تەرەشكوۆا اتىنداعى مەكتەپ-ينتەرناتقا ورنالاستىرۋعا ۋادە بەردى.
ۇقساس جاڭالىقتار
