بەلگىلى اقىن قالقامان سارين الەۋمەتتىك جەلىدە ادەبيەتسۇيەر قاۋىمعا ارنالعان جاڭا ەستافەتا باستاپ، ءوزىنىڭ سۇيىكتى كىتاپتارىن جاريالادى، دەپ حابارلايدى "ادىرنا" ۇلتتىق پورتالى.
بۇل باستاما ەل ىشىندە ۇلكەن قولداۋ تاۋىپ، ادەبيەتتى ناسيحاتتاۋدىڭ تىڭ ۇلگىسىنە اينالدى.
اقىننىڭ ءىزىن الا بۇل ەستافەتاعا قازاقستاننىڭ بىرقاتار تانىمال تۇلعالارى ءۇن قوستى. ولار وزدەرىنىڭ ەڭ سۇيىكتى ون كىتابىن ۇسىنىپ، كوپشىلىكتى كىتاپ وقۋعا شاقىردى. ەستافەتانى جالعاپ جاتقان ونەر، مادەنيەت، مەديا جانە بيزنەس وكىلدەرىنىڭ قاتارىندا مەيرامبەك بەسباەۆ، ساكەن مايعازى، سايات مەدەۋوۆ، دينارا ءساتجان، بەكجان تۇرىس، نۇركەن وتەۋىل، تالانت ارعىنعالي، سىرىمبەك تاۋ، باۋىرجان حاليوللا بار.
ەستافەتاعا كەز كەلگەن قازاقستان ازاماتى eGov Mobile قوسىمشاسى ارقىلى قاتىسا الادى. ول ءۇشىن سۇيىكتى 10 شىعارماسىن تاڭداپ، ونلاين ساۋالناماعا جاۋاپ بەرۋ جەتكىلىكتى.
