تۇركيادا قۇربان ايت مەرەكەسىنىڭ العاشقى كۇنى قۇرباندىق شالۋ كەزىندە 14 372 ادام جاراقات الىپ، اۋرۋحاناعا جۇگىنگەن، دەپ حابارلايدى "ادىرنا" ۇلتتىق پورتالى.
بۇل تۋرالى ەلدىڭ دەنساۋلىق ساقتاۋ ءمينيسترى كەمال مەميشوعلۋ الەۋمەتتىك جەلىدە حابارلادى.
"مەرەكەنىڭ العاشقى كۇنىندە قۇرباندىق شالۋ كەزىندە جاراقات العان 14 372 ادام مەديتسينالىق كومەككە جۇگىندى. ولاردىڭ ىشىندە انكارادا – 1049, ستامبۋلدا – 753, كونيادا – 655, گازيانتەپتە – 634 تۇرعىن زارداپ شەككەن", – دەپ جازدى مينيستر X جەلىسىندەگى پاراقشاسىندا.
بۇل كۇنى مۇسىلماندار قۇرباندىق شالىپ، ەتىن مۇقتاج جاندارعا تاراتادى. الايدا تۇركيادا جىل سايىن بۇل ءراسىم كەزىندە جاراقات الۋ فاكتىلەرى ءجيى تىركەلەدى.
مينيستر مەميشوعلۋ تۇرعىندارعا قاۋىپسىزدىك ەرەجەلەرىن ساقتاۋدى جانە قۇرباندىقتى تەك ارنايى دايىندىقتان وتكەن ماماندارعا عانا شالدىرۋدى ەسكەرتتى.
ايتا كەتەيىك، 2024 جىلى دا قۇربان ايتتىڭ العاشقى كۇنىندە تۇركيادا شامامەن 16 مىڭ ادام دارىگەر كومەگىنە جۇگىنگەن بولاتىن.
