الماتى قالاسىندا بوپسالاۋمەن اينالىسقان قىلمىستىق توپ ۇستالدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
ولار بىرقاتار اۋىر قىلمىس جاسادى دەگەن كۇدىككە ءىلىنىپ وتىر.
«كۇدىكتىلەردىڭ شەتەل ازاماتىنا كۇش قولدانىپ، قورقىتۋ ارقىلى ونى جالدامالى پاتەردە زاڭسىز ۇستاعانى جانە قىسىم كورسەتۋ ارقىلى بەس ميلليون تەڭگە كولەمىندەگى قاراجاتىن تارتىپ العانى انىقتالدى. سونداي-اق زاڭسىز قارۋ ساقتاۋ جانە قۇقىققا قايشى جانجالدارعا قاتىسۋ فاكتىلەرى تىركەلدى. 25 ءتىنتۋ جۇرگىزىلىپ، ناتيجەسىندە جەتى تاپانشا، وق-دارىلەر، سۋىق قارۋلار مەن ەسىرتكى زاتتارى تاركىلەندى. انىقتالعان بارلىق فاكتى بويىنشا قىلمىستىق ىستەر قوزعالدى. بارلىق كۇدىكتى ۋاقىتشا ۇستاۋ يزولياتورىنا قامالىپ، زاڭعا سايكەس قاتاڭ جاۋاپكەرشىلىككە تارتىلادى»،—دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
مينيسترلىك ەلدەگى، ونىڭ ىشىندە ءىرى مەگاپوليستەردەگى جەدەل احۋال قۇقىق قورعاۋ ورگاندارىنىڭ تۇراقتى باقىلاۋىندا ەكەنىن اتاپ ءوتتى.
https://youtu.be/t4FgMCb2OmY?si=wBThPFuW8Tfrzsb6
