ۇلىتاۋ وبلىسىنىڭ 32 مىڭ گەكتاردان استام جەرىنە اۋىل شارۋاشىلىعى داقىلدارى ەگىلدى

وسىمدىك شارۋاشىلىعىمەن اينالىساتىن شامامەن 40 شارۋا قوجالىعى بار. 2025 جىلى ەگىلگەن ەگىس القاپتارىنىڭ جالپى كولەمى 32 مىڭ گەكتاردى قۇرايدى، ونىڭ ىشىندە بيداي – 22 مىڭ گا، ارپا – 1,8 مىڭ گا، مال ازىقتىق داقىلدار – 3,5 مىڭ گا، كوكونىستەر مەن كارتوپ – 1,0 مىڭ گا. قازىرگى ۋاقىتتا جوسپارلانعان ەگىستىك القاپ تولىقتاي ەگىلدى. سۋارمالى جەر كولەمى – 1 000 گا. ءداندى داقىلداردى سەبۋگە قاجەتتى تۇقىم كولەمى – 2 500 توننا. وسىمدىك شارۋاشىلىعىن دامىتۋعا مەملەكەتتىك قولداۋ شارالارى اياسىندا 141,1 ملن تەڭگە قاراستىرىلعان. كوكتەمگى ەگىس ناۋقانىنا 70 تراكتور، 220 سەپكىش، 2 ەگىس كەشەنى، 37 جۇك كولىگى جانە شامامەن 200 قوسالقى تەحنيكا جۇمىلدىرىلدى. 2024 جىلى شەگىرتكەگە قارسى حيميالىق وڭدەۋ 14 900 گەكتار اۋماقتا جۇرگىزىلسە، بيىل 24 312 گەكتار جەرگە وڭدەۋ جۇمىستارىن جۇرگىزۋ جوسپارلانۋدا. بۇگىنگى كۇنى 17370 گەكتار اۋماققا حيميالىق وڭدەۋ جۇمىستارى جۇرگىزىلدى.