پاۆلودار وبلىسىندا «تنك «قازحروم» اق اتموسفەراعا لاستاۋشى زاتتاردى شەكتى مولشەردەن ارتىق شىعارعانى ءۇشىن اكىمشىلىك جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى قر ەكولوگيا جانە تابيعي رەسۋرستار مينيسترلىگىنىڭ ەكولوگيالىق رەتتەۋ جانە باقىلاۋ كوميتەتىنىڭ ءباسپاسوز قىزمەتى حابارلادى.
«پاۆلودار وبلىسىنىڭ مامانداندىرىلعان تابيعات قورعاۋ پروكۋرورىنىڭ قاۋلىسىمەن «تنك «قازحروم» اق-عا قاتىستى قورشاعان ورتاعا شەكتى مولشەردەن تىس لاستاۋشى زاتتار شىعارعانى ءۇشىن اكىمشىلىك ءىس قوزعالدى»، - دەلىنگەن حابارلامادا.
ۆەدومستۆو مالىمەتىنشە، 2025 جىلدىڭ ءى توقسانىندا «تنك «قازحروم» اق-نىڭ اكسۋداعى فەرروقورىتپا زاۋىتىنىڭ روك-2 قازاندىعىندا اتموسفەراعا شىعارىلاتىن زاتتاردىڭ شەكتى مولشەردەن 663,67 تونناعا ارتىق بولعانى انىقتالعان. بۇل – قولدانىستاعى ەكولوگيالىق زاڭنامانى ورەسكەل بۇزۋ سانالادى.
ءىستى قاراۋ قورىتىندىسى بويىنشا پاۆلودار وبلىسى بويىنشا ەكولوگيا دەپارتامەنتى كاسىپورىنعا 854 ميلليون تەڭگەدەن استام كولەمدە اكىمشىلىك ايىپپۇل سالعان.
ايىپپۇل مەملەكەت كىرىسىنە تولىق كولەمدە ءوندىرىلدى.
