بۇگىن Air India اۋە كومپانياسىنىڭ ۇشاعى تايلاندتاعى پحۋكەت ارالىندا توتەنشە جاعدايدا قونۋ جاسادى، دەپ حابارلايدى "ادىرنا" ۇلتتىق پورتالى.
پحۋكەتتەن (تايلاند) دەلي قالاسىنا ء(ۇندىستان) باعىت العان رەيس ۇشاق بورتىنان جارىلىس قاۋىپ بار ەكەنى تۋرالى جازبا تابىلعاننان كەيىن جەدەل قونۋ سۇراۋىن بەرگەن.
ۇشاق پحۋكەت حالىقارالىق اۋەجايىنا قونىپ، قاۋىپسىزدىككە بايلانىستى مىندەتتى تەكسەرۋدەن ءوتتى. بارلىق جولاۋشىلار توتەنشە جاعداي كەزىندەگى ءىس-قيمىل جوسپارىنا سايكەس بورتتان تۇسىرىلگەن.
«ۇشاق كرۋيزدىك بيىكتىكتە ۇشىپ بارا جاتقاندا دابىل سيگنالى كەلىپ ءتۇستى. وسىدان كەيىن ۇشقىش اۋەدە باعىتىنان قايتىپ، پحۋكەتكە ورالدى»، - دەدى اۋە كومپانيا وكىلى.
الدىن الا تەكسەرىس كەزىندە ەشقانداي جارىلعىش زات تابىلماعان.
تايلاند اۋەجايىنىڭ قىزمەتكەرلەرى جارىلىس تۋرالى جازبانى العاش بولىپ تاپقان جولاۋشىدان جاۋاپ الىپ جاتىر.
ايتا كەتەيىك، 12 ماۋسىمدا، ءۇندىستاننىڭ احمەداباد اۋەجايىندا Air India كومپانياسىنىڭ جولاۋشىلار ۇشاعى اپاتقا ۇشىراعان بولاتىن. بورتتا بولعان 242 ادامنىڭ، تەك بىرەۋى امان قالعان ەدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز