جامبىل وبلىسىنا قاراستى تالاس اۋدانى اۋىل شارۋاشىلىعىمەن قاتار، ءوندىرىس سالاسىندا دا ەرەكشە دامىپ جاتىر. ماسەلەن «جامبىلنەدر» تسەمەنت زاۋىتى مەن «قاراتاۋ پرو» كومپانياسى سىندى ءوندىرىس ورىندارى اۋداننىڭ الەۋمەتتىك-ەكونوميكالىق الەۋمەتىن ارتتىرۋدا. ءبىر سوزبەن ايتقاندا اۋداننىڭ الەۋمەتتىك-ەكونوميكالىق جاعدايى كۇننەن كۇنگە جاقسارىپ، تابىستى ەڭبەك ەتىپ وتىر.
ءبىر كەزدە ۇيلەرى قاراۋسىز قالعان قاراتاۋ قالاسىنداعى كوپقاباتتى ەسكى ۇيلەر جوندەۋدەن ءوتىپ، تۇرعىندارعا پايدالانۋعا بەرىلۋدە.
اۋدان ورتالىعى قاراتاۋ قالاسىندا 250 ادامعا ارنالعان ەمحانا پايدالانۋعا بەرىلدى.
2016 جىلى ىسكە قوسىلعان «جامبىلنەدر» تسەمەنت زاۋىتى جىلىنا 300- مىڭ تونناعا دەيىن تسەمەنت شىعارۋدا. سونىمەن قاتار زاۋىتتا 250-گە جۋىق ازامات ەڭبەك ەتۋدە.
قىزىلاۋىت اۋىلىندا قۋاتتىلىعى 4,5 مۆت قۇرايتىن جەل ەلەكتر ەنەرگياسىن ءوندىرۋ ماقساتىندا «Wind Power city» جانە «Wind Electricity» جشس قۇرلىس جۇمىستارىن جۇرگىزىپ جاتىر.
جالپى قۇنى 1 ملرد. 946 ملن. تەڭگەنى قۇرايتىن «قاراتاۋ پرو» جشس ءمارمار تاستارىن ءوندىرىپ جاتىر. قۇرىلىسقا قاجەتتى جەتى ءتۇرلى ءونىم شىعارادى. سەرىكتەستىكتە قاراتاۋ قالاسىنىڭ 70 تۇرعىنى جۇمىس جاساۋدا.
«ادىرنا»
ۇلتتىق پورتالى
